Bedriefsbeëindiging

Mien va zien laand
Stiet in de kraant
‘Tegen Elk Annimmelijk Bod’
vievenvieftig jaor bewarkt
deur de rechterhaand van God

met blote haanden en doemdik zwiet
vredend of kaanten mèeiend
Geel zaand strèeiend
op ’t padtien
tot bovenan de Boerdiek

Mien va zien laand
Stiet in de kraant
Net ‘Zo Goed As Nei’
Want nao roem twentigdoezend dagen
Hef mien va non ok ies vrij