12 maart 2011

!REUR! groot sukses!


Emmen stund weer op de kop ofgelopen zaoterdag toen daor veur de tweede keer !REUR! eholden wordde. De bibliotheek, het CQ centrum veur de kuunsten en een aantal kroegen stunden bol van de streektaalactiviteiten. Het volk kwam der massaal op of. 's Aovends had de Muzeval zien deuren lösedaone veur het spetterende leste deel van het programma.

Emmen stund weer op de kop ofgelopen zaoterdag toen daor veur de tweede keer !REUR! eholden wordde. De bibliotheek, het CQ centrum veur de kuunsten en een aantal kroegen stunden bol van de streektaalactiviteiten. Het volk kwam der massaal op of. 's Aovends had de Muzeval zien deuren lösedaone veur het spetterende leste deel van het programma.
 

 

's Morgens speulde het programma zich of in de bibliotheek van Emmen. In de hal waren diverse streektaalorganisaties present um heur idealen over te brengen op bezukers. In aandere delen van de bibliotheek traden schrievers en zangers op en was der een speciaal programma veur kiender. Een Drentse quiz, een broescursus Drents en een forum over Streektaal zorgde veur aangenaam luusterplezier. Radio Drenthe was de hiele dag ( tot en met het leste nummer in Muzeval) in de weer um alles live te verslaon.
's Middags leidde Drentstalige Tony Neef een warkwinkel over musicals in het CQ centrum veur de kuunsten en koj in diverse kroegen luustern naor streektaolmuziek.
De Streektaalpries van het Dagblad van het Noorden wordde uutereikt an Martin Koster, die mit zien bundel Hotel an 't spoor de pries veur de literatuur in de wacht sleepte.De pries in de categorie muziek gung naor de dvd Wiede leegte mit daipte van de stichting Landschap Oldambt.

Het aovendprogramma in de Muzeval wordde lösedaone deur Commissaris van de Koningin Jacques Tichelaar. Tot groot genoegen van het publiek zung hij samen mit Harm en Roelof De mooiste meid van Slien . Nao optredens van Martijje!, van Wieren, Erik Hartveld Bluesband, Wia Buze, Erwin Nijhoff, Otto Groote, Martin Korthuis en Boh Foi Toch gung het publiek meer dan tevreden op huus an.
 

(bron: www.huusvandetaol.nl)

 

 

< Terug