Hiel allien, gao'k even zitten op een stien
Die daor altied veur mij west hef, en mij het juuste pad luut zien
Sleuten ogen brengt mien gedachten op een riege
Even vort van alle drokte, umda'k der aans gien vat op krieg

Zachiesan, vuul ik de kolde op mien wangen
Van een zommer die veurbij is en zuk deur de harfst lat vangen
Langoet lek de es zuk diel te leggen bij een lange winterslaop
Non de zun het locht oetdöt as 't tegen de aovend lop.

A'k achterum kiek zie'k nog best, hoe't hier eerder ooit is west
As boerenjong van een jaor of tien
En a'k veuroet kiek zie'k allien, wat ik vrogger nooit kun zien
As boerenjong van een jaor of tien.

Herinnerings vliegt an mij, in raozende vaort veurbij
't Schultzerbossie en 't Ermerzand en de kalver in de wei
Heui laden in de zommer met de opa's op de kor
Erpelraon in 't naojaor en de stienen in de körf