De eerste maol da'k je spreuken heb,
vun'k der niet zoveul an
'k much je wal lieden, mar meer dan dat
muuk ik der ok niet van

De hiele tied he'k mijzölf wiesmaakt
Der is niks an de haand
Mar elke maol a'k je non ankiek
Vuul ik een binnenbraand

Het zwiet dat brek mij oet
Bij alles wat oj doet
'k weet niet wa'k zunder je moet
Het lief dat jokt mij, man
Mar 'k weet niet waor o'k krabben kan

Jok an't hart,
Zo slim he'k 't nog nooit eerder had
zo'n gruwelijke jok an't hart.

En elke aovend a'k hen berre gao
Krieg ik de ogen niet dicht
Totdat 's mörgens de haan krèeid hef
Denk ik an je, mien wicht

De leste maol da'k je spreuken heb
Sluug mij 't hart in de hals
Het zwiet stund mij doemdik veur de kop
En 't jokte mij overal