Facebook Twitter

LinkedIn

 

Algemien


Bert Kamping wuur geboren op 07-11-1971 in Erm.
In de tied dat e hen de middelbare schoel gung, is e begund met gitaarspeulen en zingen. Later is e hen ’t Conservatorium gaon in Grunningen um zang te studeren.
Hie hef les had van u.a: Floor van Zutphen, Louis de Vries, Annett Andriessen en Edwin Rutten en warkwinkels daon bij u.a. Simone Kleinsma.

Tiedens zien studietied hef Bert optreden met u.a. Scott Henderson en Gary Willis (Tribal Tech) oet Amerika en met de bekende engelse zanger Georgie Fame.
In 1997 hef Bert Bert de opleiding ‘Docerend Musicus Lichte Muziek Zang’ ofsleuten en is e drekt deurgaon met  
‘Uitvoerend Musicus Lichte Muziek Zang’, waor e een jaor later een diploma veur haald hef. An dat leste examen leverde de pianist/arrangeur Dolf de Vries een grote bijdrage in de vörm van de bigband-arrangementen.

In 1999 is Bert zien eigen bedrief (Vocal musiC) begund waor vanoet e veul van zien wark döt.
Vocal musiC is een meziek- en theaterpreduksiebedrief dat meziek, theater en daans met mekaar combineerd. Vocal musiC organiseert, untwarpt, en produceert podiumkuunst veur verscheiden gelegenheden.Wieder regelt het bedrief optredens en zuks veur professionele artiesten en mezikaanten.

Vocal musiC döt de prejectleiding van het streektaolfestival
!REUR! dat samen organiseert wordt met Stichting Huus van de Taol, Bibliotheek Emmen en Theater De Muzeval.

Van meert 2010 tot meert 2012 is Bert ok Gemientedichter van Emmen west.

Tussen november 2010  en november 2013 is Bert warkzaam west as meziekmetwarker bij het Huus van de Taol.

Ofslutend hef Bert tussen 1998-2011 zangles geven op CQ Centrum voor de Kunsten zuid-oost Drenthe in Emmen en Coevern.
Noa de zommer van 2011 is Bert zien iegen privépraktiek veur zangles begund.
 

 

 

 


Bert Kamping, Scott Henderson, Gary Willis

Bert met Scott Henderson en Gary Willis
(slagwark: Wobbe Visser, toetsen: Joost Swart)
 

  

 

streektaalfestival !REUR! logo

Gemeentedichter Emmen logo

logo Huus van de Taol