Lekker vrog oet berre
Dan hej wat langer an de dag
Dauw leg op het gres
Komt deur de kaolde nacht
De klok slat zes maol
De locht paorzig blauw
‘k gao naor boeten, want de zunne komt a’ gauw

‘t Is al haost wat warm
De vogels zingt hun eigen lied
De eerste zunnestraol,
ik ben nog net op tied
Niks is zo mooi zoas ik hier ben
Met de vogels, de locht en de zunne veur mij allèn.

’t Wordt weer een mooie dag, weer een mooie dag
Zoveul te zien en te doen, ik geniet en lach
’t Wordt weer een mooie dag, weer een mooie dag
Nog gienien hef zien, wat ik vandaag a’ zag

‘k loop wat deur ’t bos
de wind die zucht wat um mij hen
De zunne schittert in mien ogen,
Ak even zitten gao bij ‘n ven
Niks is zo mooi zoas ik hier ben
Met de vogels, de locht en de zunne veur mij allèn.